பார்வோனுக்குக் கொடுத்த வாதைகள்

1. ஆறுகள் இரத்தமானது: மோசே கையிலிருந்த கோலினால் நதியை அடித்தான். தண்ணீர் இரத்தமானது. மந்திரவாதிகளும் அப்படியே செய்தார்கள் – யாத் 7:15-25

2. தவளைகள் தேசத்தை மூடினது: ஆரோன் தன் கையை எகிப்தின் தண்ணீர்கள் மேல் நீட்டினான். தவளைகள் வந்து தேசத்தை மூடிக்கொண்டது. பார்வோனின் மந்திரவாதிகளும் தவளைகளை வரப்பண்ணினார்கள் – யாத் 8:1-7

3. பேன்கள் மனிதர்கள், மிருகங்கள் மேலேறியது: ஆரோன் கோலை நீட்டி புழுதியில் அடித்தான். அது பேன்களைப் பிறப்பித்தது. மந்திரவாதிகளால் பேன்களைப் பிறப்பிக்க முடியாமற் போயிற்று. இது தேவனுடைய விரல் என்று மந்திரவாதிகள் சொன்னார்கள் – யாத் 8:16-19

4. வண்டுகள் தேசத்தை நிரப்பிற்று: வண்டுகள் தேசத்தை நிரப்பும்படி செய்தார். கோசேன் நாட்டில் மட்டும் வண்டுகள் வராதபடி காத்தார் – யாத் 8:20-32

5. மிருகங்களுக்கு கொள்ளை நோய்: கர்த்தர் எகிப்தியருடைய எல்லா மிருகங்களின் மேலும் கொள்ளைநோயை வரப்பண்ணினார். ஆனால் இஸ்ரவேலின் மிருகங்களுக்கு ஒன்றும் வரவில்லை – யாத் 9:1-7

6. எரிபந்தங்கள், கொள்ளைநோய்கள்: மோசேயும், ஆரோனும் தங்கள் கைநிறைய சூளையின் சாம்பலை அள்ளி பார்வோனுடைய கண்களுக்கு முன் வானத்திற்கு நேராக இரைத்தான். எகிப்தியருடைய எல்லா மிருகங்கள் மேலும், மனிதர்கள் மேலும் எரிபந்தமான கொப்புளங்கள் வந்தது. எகிப்திலுள்ள மந்திரவாதிகள் மேலும் கொப்புளங்கள் வந்தது – யாத் 9:8-12

7. கல்மழை: மோசே தன் கையை வானத்துக்கு நேராக நீட்டினபோது எகிப்து தேசத்தின் மேல் கர்த்தர் இடிமுழக்கங்களையும், கல்மழையையும் அனுப்பினார். அக்கினி தரையின் மேல் வேகமாய் ஓடிற்று – யாத் 9:12-26

8. வெட்டுக்கிளிகள்: மோசே தன் கையை நீட்டிய போது, எகிப்தில் கல்மழைக்குத் தப்பின பயிர்களை வெட்டுக்கிளிகளை கர்த்தர் அனுப்பி அரித்துப் போடச் செய்தார் – யாத் 10:12-20

9. காரிருள்: மோசே தன் கையை வானத்துக்கு நேராக நீட்டினபோது எகிப்து தேசமெங்கும் மூன்று நாள் காரிருள் உண்டானது. ஆனால் இஸ்ரவேலருக்கோ வெளிச்சமாயிருந்தது – யாத் 10:21-27

10. தலைப்பிள்ளை சங்காரம்: கர்த்தர் நள்ளிரவில் எகிப்தியரின் தலையீற்றுகளையும், மிருகஜீவன்களின் தலையீற்றுகளையும் சங்கரிக்கும்படி செய்தார் – யாத் 11:1-8